Муус устар 11 күнүттэн ийэ хапытаалын туһаныы быраабылата уларыйда. Ол курдук бу иннинэ ийэ хапытаалын биэнсийэ мунньуллар чааһыгар укпут дьон, онтуларын судаарыстыбаннайа суох биэнсийэ пуондатыттан төттөрү ылыахтарын сөбүн туһунан «Российская газета» суруйар.
Үлэ министиэристибэтигэр быһаарбыттарынан, 2020 с. тахсыбыт федеральнай сокуоҥҥа олоҕуран, ийэ хапытаалын төрөппүттэр табыгастаахтык туһаналларыгар кыах бэриллэр. Өскөтүн, үбү биэнсийэ пуондатыгар уурдаран баран сыл аҥаарын иһигэр сайабылыанньа суруйан атыҥҥа туттуохха сөп. Ийэ хапытаалын туохха да атыҥҥа туһаммакка, сайабылыанньа суруйбакка сырыттахха, быһаччы биэнсийэ мунньуллар чааһыгар ыытыллар.
Ульяна ЗАХАРОВА, edersaas.ru
Хаартыска: https://sakha.gov.ru/
+1
+1
+1
+1
+1
+1
+1