Икки ый кэриҥэ уһаабыт, үлэлээбэккэ дьиэҕэ олоруу эрэсиимэ Арассыыйаҕа уһулунна. Ол туһунан ыам ыйын 11 күнүгэр киэһээ Владимир Путин бырабыыталыстыба онлайн-мунньаҕар эттэ.
edersaas.ru
Ол гынан баран, коронавирус инфекциятын утары охсуһуу тохтообот диэн кини тоһоҕолоон бэлиэтээтэ.
— Төттөрү барыыга, ыалдьыы иккис долгунугар тиэрдиэ суохтаахпыт. Онон кытаанах эрэсиимтэн тахсыы, эбэтэр сымнатыы туох-баар санитарнай ирдэбиллэри тутуһан, аа-дьуо ыытыллыахтаах. Эрэгийиэннэр баһылыктара балаһыанньаны көрөн, эбии миэрэлэрин ылыахтарын сөп. Манна медиктэр, санитарнай быраастар, исписэлиистэр санаалара оруоллаах буолуохтаах. Саамай сүрүнэ, дьон олоҕо, доруобуйата бастакы миэстэҕэ туруохтаах. Биһигини син биир уустук балаһыанньа күүтэр, — диэн кини эттэ.
Ыам ыйын 12 күнүттэн Арассыыйа үрдүнэн экэниэмикэҕэ тыын суолталаах тэрилтэлэр – тутуу, бырамыысыланнас, тыа хаһаайыстыбата, сибээс, энэргиэтикэ, о.д.а. үлэҕэ тахсаллар. Элбэх дьону кытта хантаактаспакка, санитарнай нуормалары тутуһан үлэлиэхтээхтэр.
Санатар буоллахха, Ил Дархан Айсен Николаев өрөспүүбүлүкэҕэ дьиэҕэ хааччахтанан олоруу эрэсиимин ыам ыйын 31 күнүгэр диэри уһаппыта.
Ангелина Васильева, “Саха сирэ” хаһыат, edersaas.ru
Хаартыска: интэриниэттэн.