Арассыыйаҕа дьаҥ-дьаһах өссө да ыгым

Бөлөххө киир:

Статистика дааннайынан, бүгүҥҥү туругунан, Арассыыйа үрдүнэн биир сууккаҕа барыта 22 тыһыынчаттан тахса киһи COVID-19 ыарыынан дьаҥнаабыт. Роспотребнадзор иһитиннэрбитинэн, уопсай ыллахха, дойдуга ыарыы балаһыанньата ыгым соҕус эрээри, кыралаан да буоллар дьаҥнаабыт киһи ахсаана түспүт.

Роспотребнадзор салайааччыта Анна Попова этэринэн, кэлиҥҥи үс нэдиэлэ иһигэр коронавирус саҥа көрүҥүнэн ыалдьыбыт киһи ахсаана уопсай ыалдьыбыт дьонтон 68,8 бырыһыаннарын ылбыт.

“Ыарыы балаһыанньата билигин да ыгым эрээри, ыалдьыбыт киһи ахсаана кыра да буоллар аҕыйаан иһэр. Ити балаһыанньа арыый тупсан эрэрин көрдөрөр. Билигин аны дьон-сэргэ быһыыны түргэнник ылалларын ситиһиэхпитин наада. Статистика көрдөрөрүнэн, быһыыны ылбыт дьон ыарыыга ылларбаттар, кинилэртэн 0,7-0,8 бырыһыаннара эрэ кыралаан ыалдьаллар”, – диэн бэлиэтиир кини.

Аграфена КУЗЬМИНА, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0