Жатай «өйдөөх» дьиэни тутууга дойдуга бастыҥ

Ааптар: 
Бөлөххө киир:

Жатайга бүтэһик хаалбыт саахалланар туруктаах хаарбах дьиэлэри көтүрүү үлэтэ тиһиктээхтик салҕанар.

Бөһүөлэккэ маннык дьиэлэри көтүрүү бүтэһик кэрдииһин саҕалыырга Ил Дархан Айсен Николаев Дьокуускайга үлэлэринэн кэлэ сылдьар ОДьКХ-ны реформалааһыҥҥа пуонда кэтээн көрөр сэбиэтин бэрэссэдээтэлэ Сергей Степашины уонна пуонда генеральнай дириэктэрэ Константин Цицины кытары  эттилэр.

Трактовая уулуссаҕа турар 1960 сыллааҕы хаарбах туруктаах биир этээстээх тутууну улахан тиэхиньикэ көмөтүнэн көтүрдүлэр. Бу бөһүөлэккэ бүтэһик уон хаарбах туруктаах дьиэттэн биирдэстэрэ. Бу дьиэлэргэ олорбут 193 киһи барыта ууга-уокка ороскуотурдубат ньыманан тутуллубут 69 кыбартыыралаах «өйдөөх» дьиэҕэ көһөллөрүн туһунан бөһүөлэк баһылыга Евгения Исаева иһитиннэрдэ.
«Олорор дьиэ уонна куорат эйгэтэ» национальнай бырайыакка барыта 27,4 тыһыынча кв.м. иэннээх 83 саахалланар туруктаах хаарбах дьиэ киллэриллибититтэн, бүгүҥҥү күҥҥэ 74 көтүрүллүбүт. Эргэ дьиэлэр оннуларыгар 33,9 тыһыынча кв. м. иэннээх 16 аныгы дьиэ тутуллубут. Ааспыт сылларга бөһүөлэккэ саҥа дьиэҕэ 1873 киһи көспүт.
Даҕатан эттэххэ, Жатай «өйдөөх» дьиэни тутууга дойдуга бастыҥнарынан буолар. Оннук хаһаа дойду үрдүнэн барыта сүүстэн тахса буоллаҕына, Жатайга онтон уона тутуллубута. Маныаха бүгүн өссө уокка-күөскэ ороскуотурдубат уон биирис «өйдөөх дьиэ» бөһүөлэк  Северная уулуссатын 33/2 ньүөмэригэр үөрүүлээх быһыыга-майгыга арылынна.
СӨ Ил Дархан уонна Бырабыыталыстыба пресс-сулууспата

Андрей Сорокин (СИА) хаартыскаҕа түһэриилэрэ

+1
0
+1
0
+1
0
+1
0
+1
0
+1
0
+1
0