Арассыыйаҕа коронавирустаабыттар ахсааннара 485 тыһыынчаны аһарбыт

Бэҕэһээҥҥи чахчынан, Арассыыйаҕа коронавируһунан ыалдьыбыт дьон ахсаана 485,2 тыһыынчаны (ааспыт сууккаҕа 8595) аһарда.

edersaas.ru

Ааспыт сууккаҕа 171 киһи тыына быстыбыт. Дойду үрдүнэн COVID-19 ыарыыттан өлбүт дьон уопсай ахсаана 6142 киһи. Дьаҥ туруоҕуттан барыта 242,3 тыһыынча киһи коронавирустан үтүөрбүт.

Джон Хопкинс университета хомуйбут чахчыларынан,  7,121 мөлүйүөн киһи бу дьаҥҥа сутуллубут, 406,5 тыһыынча киһи тыына быстыбыт.