Быйыл Арассыыйаҕа 145,394 туонна көмүс саппаастаах 110 саҥа сир бэлиэтэммит.
Аһаҕас учаастак сүрүн чааһын көмүс бытархай боруодалаах сир ылар – 95, итиннэ саппаас 28,629 туоннаттан тахса. Ону тэҥэ, 113,935 туоннаттан тахса төрүт күндү металл саппаастаах 13 учаастагы учуокка туруорбуттар. Өссө 14,582 туонна көмүс саппаастаах икки сир техногеннайга киирсэллэр.
Роснедр иһитиннэрэринэн, быйыл улахан баайдаах сири Саха Өрөспүүбүлүкэтигэр булбуттар – Nordgold 23,813 туонна көмүс саппаастаах Токкинское баайдаах сир диэн регистрациялаабыт. Магадан уобалаһыгар “АГАТ” хампаанньа Тенькин куорат уокуругар Тэутэджак баайдаах сири учуокка туруорбут (16,596 туонна көмүс). Красноярскай кыраайга “Золото Аяхты” ХЭУо Кондуяк учаастагы аспытын туһунан биллэрбит (15,571 туонна төрүт көмүс саппааһа). Хабаровскай кыраайга “Охотскайдааҕы хайа-геологическай хампаанньата” Аяно-Майскай оройуоҥҥа Кундуми сир баайын регистарциялаабыт (14,467 туонна көмүс металл саппаастаах).
Забайкальскай кыраайга Ключевскай көмүс рудалаах бөдөҥ техногеннай баайдаах сири бэлиэтиэххэ сөп. Балансовай саппааһа 12,135 туонна кыһыл уонна 11,7 туонна үрүҥ көмүскэ тэҥнэһэр. Баайдаах сири арыйыы лиссиэнсийэтин “Желтугинскай ГРК” ХЭУо бас билэр.