Балаҕан ыйын 1 күнүгэр Арассыыйаҕа коронавирустаабыт киһи ахсаана 1 мөлүйүөнтэн таҕыста. Ааспыт суукка иһигэр 4729 киһи саҥа ыалдьыбыта билиннэ. Онон сыл аҥаарын иһигэр 85 эрэгийиэҥҥэ уопсайа 1 000 048 киһи коронавируһунан ыарыйда.
edersaas.ru
Арассыыйатааҕы суһал ыстаап иһитиннэрбитинэн, суукка иһигэр ыалдьыбыттара биллибит дьонтон 1211 (25,6%) киһи хантаактаһан сыстыбыт уонна туох да ыалдьыбыт сибикилэрэ суох эбит. Бу күн балыыһалартан 6318 киһи үтүөрэн тахсыбыт, 123 киһи тыына быстыбыт.
Балаҕан ыйын 1 күнүнээҕи туругунан, аан дойду үрдүнэн 25,4 мөлүйүөн киһи ыалдьыбыт, 850 762 киһи өлбүт, 16,8 мөлүйүөн киһи үтүөрбүт.
Арассыыйаҕа 1 мөлүйүөн киһи ыалдьыбыт, 17,2 тыһыынча киһи тыына быстыбыт, 815,7 тыһыынча киһи үтүөрбүт.
Саха сиригэр 7425 киһи ыалдьыбыт, 83 киһи тыына быстыбыт, 5987 киһи үтүөрбүт.
Ангелина Васильева, “Саха сирэ” хаһыат, edersaas.ru
+1
+1
+1
+1
+1
+1
+1