Кулун тутар 16-17 күннэригэр Дьокуускайга «Триумф» спорт киинигэр көҥүл тустууга Аан дойду кубога ыытылынна. Манна Арассыыйа, АХШ, Грузия, Куба, Япония, Иран, Турция уонна Монголия хамаандалара кытыннылар.
Иккис быһаарыылаах күҥҥэ Арассыыйа уонна Иран сүүмэрдэммит хамаандалара финалга таҕыстылар. Оттон үһүс уонна төрдүс миэстэ иһин Япония, АХШ хамаандалара күрэхтэһэн, АХШ хамаандата кыайыылаах таҕыста.
Финалга Арассыыйа хамаандата Ираны 9:1 ахсааҥҥа кыайда.
Ыйааһыннарынан киирсиилэр түмүктэрэ:
57 киилэҕэ диэри. Арыйаан Тютрин — Алиреза Сарлак — 11:2
61 киилэҕэ диэри. Рамазан Ферзалиев — Иман Садегикукандех — 8:2
65 киилэҕэ диэри. Виктор Рассадин — Хассанали Гиази Чека — 10:2
70 киилэҕэ диэри. Давид Баев — Мейсам Насири — 6:1
74 киилэҕэ диэри. Заурбек Сидаков — Реза Афзалипаемами — 6:0
79 киилэҕэ диэри. Магомед Рамазанов — Юсефали Осмавандани. Магомед Рамазанов тушенан кыайда.
86 киилэҕэ диэри. Даурен Куруглиев — Мерсад Маргзари — 10:0
92 киилэҕэ диэри. Магомед Курбанов — Мохаммаджавад Эбрахимизивлаи — 1:2
97 киилэҕэ диэри. Владислав Байцаев — Али Шабанибенгар — 2:1
125 киилэҕэ диэри. Зелимхан Хизриев — Амин Тахери – 10:0
Инньэ гынан, 92 киилэҕэ диэри ыйааһыҥҥа эрэ хотторон, Арассыыйа хамаандата Аан дойду кубогын хаһаайынынан буолла. Бэлиэтээн эттэххэ, Арассыыйа сүүмэрдэммит хамаандатыгар 20 тустуук киирбитэ, тустууктар бары кыахтарын көбүөргэ чиэстээхтик көрдөрдүлэр.
edersaas.ru