Арассыыйа чөмпүйэнээтэ: Аксенов уонна Константинов боруонса мэтээл иһин тустуохтара

Бөлөххө киир:

Бүгүн, алтынньы 16 күнүгэр, Наро-Фоминскай куоракка буола турар көҥүл тустууга Арассыыйа чөмпүйэнээтигэр 57 уонна 61 киилэҕэ диэри ыйааһыннарга хапсыһыылар буоллулар.

57 киилэҕэ диэри ыйааһыҥҥа бастакы эргииргэ Дагестан тустууга Заур Угуев Саха сириттэн сылдьар Петр Константиновы 10:0 ахсааҥҥа, бу кэнниттэн эмиэ 10:0 ахсааҥҥа Алексей Копыловы (Саха сирэ) ыраастык кыайталаата. Алексей бастакы эргииргэ 6:4 ахсааҥҥа Башир Магомедовы хоппута. Дагестан бөҕөһө финалга тахсан, Петр Константинов салгыы боруонса мэтээл иһин Муслим Садуллаевтыын (Чечня) күрэхтэһэр кыахтанна.

Оттон Арассыыйа чөмпүйэнээтин призера, Саха сириттэн сылдьар Михаил Иванов бастакы киирсиигэр Хасангусейн Бадрудиновтан 3:5 ахсааҥҥа хоттордо. Георгий Окороков Красноярскай бөҕөһүгэр Артур Чебодаевтыын тустан, эмиэ хотторуу хомолтотун биллэ.

61 киилэҕэ диэри ыйааһыҥҥа Саха сириттэн Петр Павлов, Семен Владимиров, Ньургун Александров уонна Дмитрий Аксенов күрэхтэстилэр. Петр Павлов бастакы эргииргэ Бурятияттан сылдьар Федор Балтуевка 0:10 ахсаанынан баһыйтарда.

Оттон Владимировтаах Александров сэрэбиэйдэрэ бииргэ түбэһэн, бастакы эргииргэ бэйэ-бэйэлэрин кытта илин-кэлин түһүстүлэр. Ол түмүгэр, Александров 2:3 ахсаанынан кыайыылаах таҕыста.

Дмитрий Аксенов Дагестан бөҕөһүн Абасгаджи Магомедов тушетыгар түбэһэн, 3:5 ахсаанынан хоттордо. Салгыы Магомедов финалга тахсан, Дмитрий Аксенов эрэхтээх хапсыһыыга Ставропольскайтан сылдьар Тамерлан Караевы кытта тустан, 3:1 ахсааҥҥа кыайда. Онон боруонса мэтээл иһин дагестанец Магомед Абдурахмоновы кытта киирсиэҕэ.

Семен Владимировы кыайбыт Ньургун Александров иккис эргииргэ Бурятия бөҕөһө Жаргал Дамдиновтан 4:8 ахсааҥҥа хоттордо.


Түмүк хапсыһыылар бүгүн Саха сирин бириэмэтинэн 00:00 чаастан саҕаланыахтара.

Сарсын, алтынньы 17 күнүгэр, 70, 74, 79 киилэҕэ диэри ыйааһыннарга хапсыһыылар ыытыллыахтара.

edersaas.ru

СИА хаартыската.

+1
0
+1
0
+1
0
+1
0
+1
0
+1
0
+1
0