Саха сирин баһылыга Арассыыйа Ворлдскиллс сойууһун генеральнай дириэктэрин кытта көрүстэ
Саха сирин баһылыга Айсен Николаев “Эдэр профессионаллар (Арассыыйа Ворлдскиллс) генеральнай дириэктэрэ Роберт Уразовтыын Дьокуускайга көрүстэ.
Өрүттэр орто идэтийбит үөрэхтээһин тиһигин сайыннарыы уонна эрэгийиэҥҥэ үрдүк таһымнаах каадырдары бэлэмнээһин таһымын туһунан кэпсэттилэр.
Роберт Уразов Саха сирэ “Эдэр профессионаллар” (Арассыыйа Ворлдскиллс) VIII национальнай чөмпүйэнээтигэр үрдүк түмүктэри ситиспитин бэлиэтээтэ. Өрөспүүбүлүкэ “Сыл тэтимэ” (“Прогресс года”) номинацияҕа кыайбыта. Үөрэх араас тэрилтэлэриттэн кыттыбыттар 24 наҕарааданы ылбыттар – 9 мэтээли уонна 15 медальону.
“Саха сирэ олох үчүгэй түмүгү көрдөрдө. ТОП-10 иһигэр киирии судургута суох, бу олох үрдүк тэтим. Арассыыйа үгүс эрэгийиэннэрэ көрдөрүүлэринэн улахан дойдулартан хаалсыбаттар”, — диэтэ кини.
Айсен Николаев этэринэн, Арассыыйа Ворлдскиллс бырайыактара идэтийбит анал үөрэхтээһин тиһигин сайдыытыгар көмөлөһөллөр, каадырдары аан дойду ирдэбиллэригэр сөп түбэһэргэ бэлэмнииллэр.
Николаев уонна Уразов тустаах сойууһу кытта өрөспүүбүлүкэ олоххо киллэриэхтээх саҥа бырайыактарын дьүүллэстилэр. Чуолаан, кэпсэтии эрэгийиэҥҥэ үлэ ырыынагар наадалаах исписэлиистэри бэлэмниир саҥа элбэх көрүҥү оҥорор үөрэх-производственнай комплекс – устудьуоннар кампустарын тэрийии туһунан барда.
Санатан эттэххэ, “Эдэр профессионаллар (Арассыыйа Ворлдскиллс) сойууһун үлэтэ идэтийбит үөрэхтээһини уонна аан дойду уонна дойду бастыҥ баазаларыгар каадырдары бэлэмнээһиҥҥэ туһуланар.
Саха Өрөспүүбүлүкэтин Ил Дарханын уонна Саха Өрөспүүбүлүкэтин бырабыыталыстыбатын пресс-сулууспата
Бэлэмнээтэ Женни Стрюкова
Хаартыска: тустаах саайтан