Арассыыйа үрдүнэн коронавирустаабыт дьон ахсаана 900 тыһыынчаттан таҕыста

Арассыыйаҕа ааспыт сууккаҕа коронавируска 5102 киһи сутуллубут. Ол курдук, пандемия саҕаланыаҕыттан коронавирустаабыт дьон ахсаана 902 701-гэ тиийбит. Бу туһунан коронавируһу утары тэриллибит оперативнай ыстаап иһитиннэрэр. 

Ааспыт сууккаҕа Арассыыйа 84 эрэгийиэнигэр саҥа сыстыы түгэннэрэ бэлиэтэммиттэр. Чукотскай автономнай уокурукка эрэ ааспыт хонукка саҥа сутулллааччы көстүбэтэх. Сыстыбыт дьонтон 1404 киһи (саҥа ыалдьыбыттартан 27 %-на) ыалдьар тас сибикилэрэ суох эбит.

COVID-19 ыарыы туруоҕуттан дойду үрдүнэн 15 260 киһи өлбүт. Ааспыт күҥҥэ 129 киһи ыарыыттан тыына быстыбыт.

Егор Карпов, «Саха сирэ» хаһыат, edersaas.ru