Арассыыйаҕа коронавируһунан ыалдьыы “рекорда” бэлиэтэннэ диэххэ сөп. Ол курдук, дойду 85 эрэгийиэнигэр кэлиҥҥи сууккаҕа 10 633 киһи ыалдьыбыт. Итинтэн 5345 (50,3 %) киһиэхэ ыарыы сибикитэ биллибэтэх. Онтон 58 киһи, хомойуох иһин, суох буолбут.
Каартаны ылан көрдөххө, сэрэйиллэрин курдук, ордук элбэх киһи Москваҕа 5948, Москва уобалаһыгар 822, Санкт Петербурга 295, Нижегородскай уобаласка 252, Мурманскай уобаласка 238, Дагестан Өрөспүүбүлүкэтигэр 136 киһи ыалдьыбыт. Биирдии киһи Алтай өрөспүүбүлүкэтигэр уонна Чукотскай автономнай уокурукка бэлиэтэммит.
Онтон Саха сиригэр, Ил Дархан Айсен Николаев бүгүн, ыам ыйын 3 күнүгэр иһитиннэрбитинэн, суукка устата 19 киһи ыадьыбытыттан, 17-тэ Дьокуускай, 1 Ленскэй, 1 Мэҥэ Хаҥалас олохтоохторо.
Аны Дьокуускай коронавируска каартатын арыйан көрүөҕүҥ. Ааспыт нэдиэлэттэн ыла тустаах каарта кытарбыта, саһарбыта эбиллэн иһэр. Кыһылынан ыалдьыбыт, араҕаһынан хантаактаспыт, күөҕүнэн хааччахтаныан олорор дьону көрдөрөр.
Людмила ПОПОВА, edersaas.ru
+1
+1
+1
+1
+1
+1
+1