Ол эрэн, түспүт сири чопчу көрдөрүөхтээх радардара тымныыны тулуйбакка, алдьанан хаалла. Бүгүн, 14 чаас 41 мүнүүтэҕэ, «Восточнай» космодромтан «Союз-2.1б» аракыата көтөн, Уһук Илиҥҥэ баар космодромтан иккис көтүү буолла.
edersaas.ru
Аракыата көтүүтүн көрө-истэ, Саха сирин дэлэгээссийэтэ, ол иһигэр Гражданскай уопсастыба институттарын сайдыытын миниистирин солбуйааччы Лена Иванова, Ил Түмэн дьокутаата Владимир Прокопьев, Кэбээйи улууһун баһылыгын солбуйааччы Степан Павлов уонна да атыттар барбыттара.
«Радар алдьанна»
Оттон аракыата тобохторун Алдан улууһугар көрдүүр уонна хомуйар анал бөлөҕү кытары «Саха сирэ» хаһыат «Эдэр саас» сайтын кэрэспэдьиэнэ Николай Попов сылдьар. Николай эрэдээксийэҕэ төлөпүөнүнэн сибээскэ тахса сылдьан кэпсээтэ:
— Аракыата көппүтүн кэннэ, аҕыйах мүнүүтэ буолаат, Хатыыстыыр бөһүөлэгиттэн 100 км сиргэ тобохторо түспүттэрин ыраахтан көрдүбүт. Тобохторо хас да «туочуканан» түспүт буолуохтаахтар. Ону радар көмөтүнэн көрдүөхтээх этилэр. Ол эрээри радардара тымныыны тулуйбакка, алдьанан хаалла. Онон ыйы быһа көрдөөһүн буолара буолуо.
Анивера Акимова,edersaas.ru