Аракыата тобохторун көрдөөһүн Бүлүү уонна Алдан сиригэр-уотугар ыытыллар. СӨ Айылҕа харыстабылын министиэристибэтин кылаабынай исписэлииһэ Владислав Ушницкай иһитиннэрбитинэн, Бүлүү улууһугар «Союз-2.1б» аракыата тобоҕун түөрт фрагмена түспүтэ билиннэ.
edersaas.ru
«Радар түөрт «туочукаҕа» үлтүркэй түспүтүн көрдөрдө. Аракыата тобохторун хомуйуу иннинэ, бастаан экологическай кэтээн-көрүү оҥоһуллуохтаах. Аны киһи кыайан тиийбэт сиригэр түспүт буоллаҕына, бөртөлүөт түһэр сирэ бэлэмнэниллиэхтээх», – диэн эбэн эттэ. Бүгүн бөртөлүөтүнэн чопчу ыйыллыбыт сирдэринэн көрдөөһүн үлэтэ саҕаланыахтаах.
Дуогабар быһыытынан, аракыата тобоҕун СӨ Быыһыыр сулууспатын, Ойуур харыстабылын авиационнай базатын исписэлиистэрэ тиэйэн илдьиэхтээхтэр.
Анивера АКИМОВА, edersaas.ru