Маны аах Уопсастыба

Араас сыллардааҕы выпускниктар улуус пааркатыгар бэлэх оҥордулар

Бу күннэргэ Горнай улууһун Бэрдьигэстээҕэр 21-с Манчаары оонньууларыгар, ону тэҥэ улуус төрүттэммитэ 90 сылыгар анаан араас сылларга оскуоланы бүтэрбиттэр сынньалаҥ паарка киинигэр тупсаҕай оҥоһуулаах ыскамыайкалары оҥорон бэлэхтээтилэр.

Уопсастыбанньык Тамара Ефремова көҕүлээһининэн, «Эко Бенч» челлендж тэрилиннэ. Кинини бииргэ үөрэммит үөлээннээхтэрэ, 1980 сылга оскуоланы бүтэрбит дьон, өйөөтүлэр. Онтон үтүө дьыалаҕа 1969 сыллааҕы выпускниктар ылсыбыттара. Ити курдук, бииртэн биир кылаас аахсыйаҕа кыттыһан, кэккэлэрэ кэҥээн испитэ. Уопсайа
1980, 1969,1970, 1975, 1978, 1980 10б, 1981, 1982, 1984, 1985, 1988, 1990, 1991, 1992, 1997 сылларга оскуоланы бүтэрбит дьон бэйэлэрин кылааттарын төрөөбүт улуустарын үбүлүөйдээх сылыгар киллэрдилэр.

Көхтөөхтүк түмсүбүт аахсыйа кыттыылаахтарыгар сэлиэнньэ баһылыга Алексей Аргунов махтал суруктары туттарда. Бу курдук төрөөбүт дойдуга бэриниилээх буолууга туһалаах аахсыйа элбии турарыгар баҕаран туран, «Эдэр саас» саайтка
ХИФУ устудьуона Милона Иванова иһитиннэрдэ.

Елена ПОТОЦКАЯ,
«Саха сирэ» хаһыат, edersaas.ru

0
0