Бүгүн Дьокуускай куоракка кыратык хаардыаҕа, салгын температурата күнүс 16-18 тымныы буолуоҕа, хотуттан сөкүүндэҕэ 1-4 м түргэннээхтик тыалырыаҕа.
Бу нэдиэлэ бүтүүтэ, кулун тутар 6 күнүгэр, өрөспүүбүлүкэ арҕаа улуустарыгар кыратык хаардыаҕа, ол эрээри, сөкүүндэҕэ 9-14 м түргэннээх силлиэ түһүө. Соҕуруулуу-арҕаа түүнүн 18-23, күнүһүн 12-17 кыраадыс, хотугулуу-илин түүнүн 33-38, күнүһүн 25-30 кыраадыс, хоту эргин күнүһүн 20-25 кыраадыс буолуоҕа. Онтон атын улуустарга түүнүн 33-38, күнүһүн 25-30 кыраадыс тымныйыа.
Александр Тарасов.
Хаартыска: СИА.
+1
+1
+1
+1
+1
+1
+1