Коронавирус дьаҥыттан сылтаан үөскээбит уустук быһыыга-майгыга сааскы ыһыы үлэтин кэмигэр ыытарга итиэннэ дойдуга ас-үөл өттүнэн куттал суох буолуутун хааччыйар аграрийдары өйүүр сыалтан РФ Тыатын хаһаайыстыбатын министиэристибэтэ кэккэ дьаһаллары ылынна.
edersaas.ru
АПК тэрилтэлэрин үлэ тиэхиньикэтинэн хааччыйыыга чэпчэтиилээх лизинг биир сүрүн ырычаах буолар. Тыа хаһаайыстыбатын министиэристибэтин өйөбүлүнэн, «Росагролизинг» АУо бу дьыл муус устар 6 күнүттэн бэс ыйын 1 күнүгэр диэри тыа хаһаайыстыбатын табаарын оҥорооччуларга үп-харчы кириисиһин утары дьаһал быһыытынан, сүрүн иэһи төлөөһүнү биир сылга диэри уһатар туһунан анал этиини оҥордо.
Бу этии усулуобуйатынан тыа хаһаайыстыбатын тэрилтэлэрэ үлэ тиэхиньикэтин уонна тэрилин лизининэн бастакы усунуоһа суох итиэннэ 3%-наах чэпчэтиилээх ыстаапканан ылар кыахтаналлар. Ону таһынан, собуоттар көрөр чэпчэтиилэрэ уонна аахсыйалара сарбыллыбат, лизинг дуогабарын болдьоҕо уһатыллар. Онуоха аграрийдартан үс докумуон эрэ ирдэнэр, сайаапкалар аҕыс чааһынан көрүллэллэр. Анал этии тыа хаһаайыстыбатын тэрилтэлэрин тиэхиньикэлэрин саҥардыыга үлэлиир бырагырааманы өссө тупсаҕай оҥорорго туһуланар.
Раиса Сибирякова, «Саха сирэ» хаһыат, edersaas.ru