Арассыыйаҕа Бааһынай хаһаайыстыбалар уонна тыа хаһаайыстыбатын кэпэрэтииптэрин ассоциациятын (АККОР) иһинэн тыа сирин дьахталларын хамсааһына 2009 сыллаахтан үлэлиир.
Ону өйөөн, “Саха Өрөспүүбүлүкэтин АПК-тын дьахталларын сойууһа” диэн кэмиэрчэскэйэ суох, уопсастыбаннай тэрилтэ тэриллэн, Арассыыйа Федерациятын тыатын хаһаайыстыбатын үтүөлээх үлэһитэ, Саха Өрөспүүбүлүкэтин норуотун хаһаайыстыбатын үтүөлээх үлэһитэ, Ленин, “Бочуот Знага”, Үлэ Кыһыл Знамятын уордьаннарын кавалера, Саха Өрөспүүбүлүкэтин “Хотугу сулус” уордьанын хаһаайката, Дьокуускай куорат, Хатас нэһилиэгин Бочуоттаах олохтооҕо, тыыл уонна үлэ бэтэрээнэ Парасковья Павловна Федорова салалтатынан үлэлээбитэ.
Сэтинньи 22 күнүгэр Тыа хаһаайыстыбатын министиэристибэтин аактабай саалатыгар ыытыллыбыт «Тыа сирин кэлим сайдыытын олуга – нэһилиэк бигэ ыала» диэн сэминээр кыттыылаахтара соторутааҕыта олохтон барбыт Парасковья Павловнаны суохтаппакка, Сойуус үлэтин сөргүтэн, өссө күүһүрдүөҕүҥ, Дьахталлар өрөспүүбүлүкэтээҕи түмсүүлэрин кытары бииргэ үлэлиэҕиҥ диэн быһаарыы ылынан тарҕастылар.
Раиса Сибирякова, «Саха сирэ» хаһыат, edersaas.ru