Анжелика Андреева СӨ Уопсастыбаннай палаататын аппараатын салайааччытынан ананна

Ил Дархан Айсен Николаев 2022 сыл бэс ыйын 14 күнүнээҕи ыйааҕынан Анжелика Андрееваны СӨ Уопсастыбаннай палаататын аппараатын салайааччытынан анаата.
Анжелика Егоровна Андреева Саха судаарыстыбаннай университетын бүтэрбитэ. 2004 сыллаахха РФ Бэрэсидьиэнин иһинэн Судаарыстыбаннай сулууспа Арассыыйатааҕы академиятын бүтэрбитэ. 1985-1998 сылларга СГУ устудьуоннарын профкомун бэрэссэдээтэлин солбуйааччытынан, 1998-2003 сылларга профком бэрэссэдээтэлинэн үлэлээбитэ. 2003 сыллаахха өрөспүүбүлүкэҕэ ыччат бэлиитикэтин миниистирин солбуйааччытынан, 2006 сыллаахха СӨ Бэрэсидьиэнин иһинэн үлэлиир Оҕо уонна дьиэ кэргэн дьыалаларын Кэмитиэтин бэрэссэдээтэлин солбуйааччытынан анаммыта. 2011-2016 сылларга «Биир ньыгыл Арассыыйа» эрэгийиэннээҕи баартыйа Саха сиринээҕи исполкомун тэрийэр отделын салайааччытынан анаммыта. 2016-2021 сылларга — Н. Е. Мординов-Амма Аччыгыйа аатынан «Кэскил» Оҕо бэчээтин кыһатын дириэктэрэ. 2019-2021 сылларга — Саха сирин социальнай страхованиетын пуондатын эригийиэннээҕи отделениетын управляющайын көмөлөһөөччүтэ, өрөспүүбүлүкэтээҕи Ресурснай киин методиһа. 2021 сыл муус устар ыйыттан СӨ Аҕа баһылыгын иһинэн үлэлиир инновационнай менеджмент Үрдүкү оскуолатын менеджерэ.
Елена ПОТОЦКАЯ, «Саха сирэ» хаһыат.