Аны үстэригэр диэри саастаах оҕолору дьааһыланан хааччыйар сорук турар
Бүгүн СӨ Бырабыыталыстыбатын отчуотун иитинэн ыытыллыбыт тэлэбиисэринэн, араадьыйанан быһа биэрии кэмигэр бэрэссэдээтэли солбуйааччы Ольга Балабкина, быйыл инники күөҥҥэ турар соруктартан биирдэстэринэн үстэригэр диэри саастаах оҕолору уһуйаанынан хааччыйыы буоларын эттэ.
edersaas.ru
Эргэрбит уонна саахалланар туруктаах оскуолалары саҥардыы, иккис симиэнэни суох оҥоруу, оскуола иннинээҕи саастаах оҕолору уһуйаанынан хааччыйыы боппуруостара социальнай эйгэ сүрүн түгэннэрэ диэн ыйда.
“Ааспыт сыллаахха өрөспүүбүлүкэҕэ 20 тыһ. 138 оҕо уһуйаанынан хааччылынна. Итинтэн үһүгэр диэри саастаах 550 оҕо”, — диэн иһитиннэрдэ.
Бэрэссэдээтэли солбуйааччы, быйыл болҕомто үһүгэр диэри саастаах оҕолору оскуола иннинээҕи саастаах оҕо тэрилтэтинэн хааччыйыы соруга турарын бэлиэтээтэ. Маныаха кырачааннары кытта үлэлиир кыахтаах педагогтары бэлэмниир туһунан эмиэ толкуйдуохтаахпыт диэн ыйар.
Манна даҕатан эттэххэ, аҥаардастыы тутуунан боппуруос быһаарыллыбата биллэр. Онон салалта билигин үлэлии турар дьиэни-уоту кырачааннарга сөп түбэһиннэрэн уларытан-тэлэритэн биэрэр, атыылаһар, тутар былааннаах.
Людмила ПОПОВА, “Саха сирэ” хаһыат, edersaas.ru