Нацбырайыактар Тыа хаһаайыстыбата

Аны эттэрин бэйэлэрэ ыыһыахтара

Горнай улууһугар Бэрдьигэстээххэ «Горнаймясопродукт» тыа хаһаайыстыбатын астыыр кэпэрэтиибэ эти ыыһыыр сыаҕы үлэҕэ киллэрдэ.

edersaas.ru.

Сыах тутууутугар улуус дьаһалтата субсидия бэрээдэгинэн 2 мөл. солк. көмөлөспүтэ, ону таһынан Тыа хаһаайыстыбатын министиэристибэтэ материальнай-техническай базаны хаҥатыыга грант көрбүтэ. Ол үпкэ тирэҕирэн, кэпэрэтиип анал тэрили уонна тиэхиньикэни ылыммыта.

Саҥа сыаҕы арыйыыга өрөспүүбүлүкэ Бырабыыталыстыбатын бэрэссэдээтэлэ Андрей Тарасенко сылдьан, улууска тыа хаһаайыстыбатын өйөөһүн нэһилиэнньэни олохтоох бородууксуйанан хааччыйыы буоларын сэргэ үлэ миэстэтин таһаарыы буоларын бэлиэтээтэ.

Билигин сыахха биэс киһи үлэлиир, астыыр линия толору күүһүнэн үлэлээтэҕинэ, эбии хас да үлэ миэстэтэ тахсыахтаах. Андрей Тарасенко Одунуга тыа хаһаайыстыбатын миниистирэ Александр Атласовы кытары көрүстэ, килиэккэлээх кыылы иитэр «Одону» ХЭТ-ҕэ, «Саха сүөһүтэ» СКТ үлэтин-хамнаһын билистэ. Бу сырыы түмүгүнэн тустаах хаһаайыстыбалар материальнай-техническэй базаларын бөҕөргөтөргө быһаарыы ылылынна.

Мунньахха олохтоох урбаанньыттар айан суолун сервиһигэр хааччахтааһын дьаһалларын түүҥҥү өттүгэр арыый сымнатар, туристическай өҥөнү өйөөһүҥҥэ табыгастаах механизмы оҥорор, тиэхиньикэ атыылаһыытыгар субсидия көрөр наадатын туһунан эттилэр диэн Ил Дархан уонна Бырабыыталыстыба пресс-сулууспата иһитиннэрдэ.

Раиса Сибирякова, «Саха сирэ» аһыат,  edersaas.ru

0
0