СӨ Тырааныспарын уонна суол хаһаайыстыбатын министиэристибэтин пресс-сулууспата иһитиннэрбитинэн, Дьокуускай — Аллараа Бэстээх хайысхатынан паромнар сырыылара былаан быһыытынан ыам ыйын 25 күнүттэн саҕаланыахтаах.
edersaas.ru
Ол гынан баран, графикка уларыйыы киирэн, өссө эрдэ сылдьыахтарын сөп диэтилэр.
Саайтпытыгар урут суруйан аһарбыппыт курдук, тарыыптар уруккунан хааллылар. Дьокуускай – Аллараа Бэстээх хайысхатынан паромунан айанныыр пассажирдарга билиэт сыаната 122 солк. Оҕолорго (5 – 10 саастаах) 62 солк. Биэс сааһыгар диэри оҕолор босхо айанныыллар. Сыана тиэхиньикэ ыйааһынынан олохтонор.
Ол курдук: таһаҕаһы тиэйэр массыыналарга сыана 405 солк. саҕалаан 1660 солк. диэри.
- Легковой массыыналарга 340-тан 1275 солк. диэри (ыйааһыныттан көрөн).
- Пассажирдары таһар оптуобустарга – 1 535 солкуобайтан 2 730 солкуобайга диэри.
- Матасыыкыл, мотороллер бары көрүҥэ – 170 солк.
- Контейнер 320 – 3 085 солк. Биир туонна таһаҕас ортотунан 340 солк. быһыллыбыт.
edersaas.ru
+1
+1
+1
+1
+1
+1
+1