РФ Бэрэсидьиэнэ быһа биэриигэ нэһилиэнньэ ыйытыытыгар хоруйдууругар дойду социальнай-экэнэмиичэскэй олоҕор суолталаах боппуруостар таарылыннылар. Ил Түмэн Бэрэссэдээтэлин солбуйааччы Антонина Григорьева санаатын маннык үллэһиннэ:
edersaas.ru
– Владимир Путин Бэрэсидьиэн буолуоҕуттан быһа биэриигэ нэһилиэнньэ ыйытыытыгар хоруйдуур, кини иннинэ дойду биир да салайааччыта дьон-норуот иннигэр итинник тахсыбат этэ. Бу ааттыын аһаҕас кэпсэтии киинигэр дойду олоҕор-дьаһаҕар эрэ буолбакка, хас биирдии эрэгийиэҥҥэ, ыалга, киһиэхэ сыһыаннаах тыын суолталаах боппуруостар турдулар. Бэрэсидьиэн норуоту кытары кэпсэтиитэ кини бары боппуруоска толору хоруйдуур кыахтааҕын, барытыгар эппиэтинэһи сүгэрин көрдөрдө, сарсыҥҥы күҥҥэ улахан эрэли үөскэттэ.
Владимир Путин былаас аһаҕас буоларыгар мэлдьи ыҥырар уонна онуоха бэйэтинэн холобур буолар. Пандемияттан саҕалаан олох бары эйгэтинэн саамай сытыытык турар боппуруостарга демократичнайдык, аһаҕастык кэпсэттэ, вакцина маассабай көмүскэлбит буоларын итэҕэттэ. Бу кэпсэтии Арассыыйа бигэ туруктааҕын, лидербит норуот кыһалҕатын дириҥник билэрин уонна дойду национальнай интэриэһин бигэтик көмүскүүрүн, судаарыстыба инники кэскилин хайдах көрөрүн өссө төгүл көрдөрдө.
Раиса Сибирякова, «Саха сирэ» хаһыат, edersaas.ru