Бу күннэргэ Саха сирин саамай үтүө санаалаах уола Антон Васильев кэргэн кэпсэтэрин туһунан сонуну инста-сурутааччыларыгар кэпсээбитэ.
Антон, аны, уруу малааһынын тэрийэригэр харчы хомуйан эрэр.
Антон — Бүтүн Россиятааҕы “Я – гражданин” бириэмийэ номинана, биллэр уопсастыбанньык, бэйэтин баҕатынан күннэтэ бөх хомуйар, элбэх оҕолоох уонна кыаммат ыалларга көмөлөһөр, араас аһымал бырайыактары тэрийэн үлэлэтэр. Бэйэтин холобурунан соҕотох да киһи элбэҕи оҥоруон сөбүн көрдөрөр. Бу хомуйбутун отчуоттаан күн аайы «Инстаграмыгар» таһаарар.
Соторутааҕыта Антон сурутааччыларгар кэргэн кэпсэтээрибин биһилэх сакаастаатым диэн, биһилэх хаартыскатын таһаарбыта. Ол эрээри, үтүө санаалаах уол таптыыр кыыһын хаартыскатын хаһан даҕаны дьоҥҥо көрдөрө илик. Киниэхэ сурутааччылара кыыһа кэргэн буоларыгар сөбүлэһэригэр баҕарбыттара.
https://www.instagram.com/p/Bn99qY-nsAn/?utm_source=ig_share_sheet&igshid=1bwswsk69tv9v
Бэҕэһээ Антон: «Кыыһым миэхэ кэргэн тахсарга сөбүлэһиэҕэ, оччоҕуна уруу тэрийиэххэ наада. Мин бу сыллар тухары үгүс дьоҥҥо көмөлөстүм, аны эһиги миэхэ көмөлөһүҥ. Ас атыылыыбын, онтон 70% уруубар, 30% асчыттар хамнастарыгар барыаҕа», — диэн ис хоһоонноох посту «Инстаграмыгар» таһаарда.
https://www.instagram.com/p/BoBmDWJHWJU/?utm_source=ig_share_sheet&igshid=1sozul00earj6
edersaas.ru