Саҥа антирекорд: Арассыыйаҕа биир күн иһигэр 12 126 киһи коронавируска сутулунна

Алтынньы 9 күнүн чахчыларынан, коронавирустаабыт дьон ахсаана Арассыыйаҕа 1,272 мөлүйүөнтэн тахсыбыт.

Ааспыт суукаҕа 12 126 киһи саҥа дьаҥҥа ылларбыт. Бу — пандемия туруоҕуттан дойду иһинээҕи саамай үрдүк көрдөрүү. COVID-19 ыарыы тарҕаныаҕыттан дойду үрдүнэн 22,2 тыһыынчаттан тахса киһи тыына быстыбыт.

Оттон ааспыт күн 201 киһи саҥа ыарыыттан өлбүтэ биллэр. Арассыыйа үрдүнэн уопсайа 1 мөлүйүөнтэн тахса киһи коронавирустан үтүөрбүт.

Егор Карпов, «Саха сирэ» хаһыат, edersaas.ru