Суолга сэрэхтээх буолуу нэдиэлэтинэн СӨ Оҕо быраабыгар боломуочуйалаах Анна Афансьевна Соловьева Саха сирин олохтоохторугар оҕо баар буолуон сөптөөх суолларыгар сэрэхтээх буоларга ыҥырда.
Анна Соловьева оҕо кыттыылаах суол-тырааныспар быһылааннарын аччатыы үлэтигэр көхтөөхтүк кыттар, итиэннэ өрөспүүбүлүкэ Госавтоиспекциятын кытта ыкса үлэлэһэр.
Бүтэһик сыыларга кини олус элбэх бырайыагы уонна тэрээһини олоххо киллэрдэ. Оҕолор суол быраабылаларын билэллэригэр элбэх үлэни ыытта. Ол курдук, эрэгийиэҥҥэ баар «Лаборатория безопасности» комплекс үлэтэ көдьүүстээх буоларыгар кыһаллар.
Суолга сэрэхтээх буолуу нэдиэлэтин чэрчитинэн, салайааччы улахан дьон суолга сэрэхтээх буолалларыгар, дьиэлэр быыстарынан айанныырга бытаарарга, болҕомтолоох буоларга ыҥырар.