Төрүт Сокуоҥҥа киирэр уларытыылары куоластааһыҥҥа бэлэмнэнии үлэтин туһунан улуус баһылыгын солбуйааччы Анна Петровна Попова кэпсээтэ.
edersaas.ru
—Орто Халыма улууhа куоластааһыҥҥа бэлэм. Улууска 5890 киһи куоластыыр бырааптаах, олортон 2682 киһи Орто Халыма куоратыгар олорор. Ыраах турар балыксыттар олорор сирдэригэр куоластааһын эрдэ ыытыллыбыта. Улууска уопсайа 11 быыбардыыр учаастак баар. Уопсастыбаннай тэрилтэлэр, идэлээх сойуустар чилиэннэриттэн турар кэтээн көрөөччүлэр уонна 70-ча волонтер үлэлииргэ бэлэмнэр.
Харыстанар мал толору кэллэ. Онон бары быыбардааччылар уонна улуустааҕы быыбардыыр хамыыһыйа чилиэннэрэ көмүскэнэр малынан толору хааччылыннылар.
Харыстанар быраабылалары тутуһарга бэлэммит. Быыбар кэмигэр волонтердар социальнай дистанцияны тутуһарга көмөлөһүөхтэрэ, температураны мээрэйдиэхтэрэ. Быыбардыыр учаастактарга дезинфекциялыыр сириэстибэлэринэн икки чаас буола-буола санитарнай ыраастааһын ыытыллыаҕа, рециркулятордар холбонуохтара. Киин балыыһа, эпидемиолог уонна Роспотребнадзор волонтердары, анал үлэһиттэри бэйэни харыстаныыга үөрэттилэр.
Орто Халыма улууhун олохтоохторо быыбарга көхтөөхтүк кыттааччылар, онон нэһилиэньэ улахан аҥаара быыбарга кэлэн бэйэтин санаатын биллэриэ диэн саныыбын.
Ньургуйаана Иванова,
«Саха сирэ» хаһыат, edersaas.ru
Сайт матырыйаалларын ааптар көҥүлэ суох ылар бобуллар.
Комментариев к записи Анна Попова: «Орто Халыма олохтоохторо быыбарга көхтөөхтүк кыттан, бэйэлэрин санааларын биллэриэхтэрэ» нет