Анна Попова: «Бэйэни хааччахтаныы эрэсиимин өссө икки нэдиэлэ уһатыах тустаахпыт!»

Нэһилиэнньэ 60%-гар коронавируһу утарар иммунитет үөскээтэҕинэ биирдэ, бу дьаҥ киһиэхэ сыстыыта тохтуон сөп. Бу туһунан «Россия 1» ханаалга Роспотребнадзор салайаачыта Анна Попова иһитиннэрдэ.

Анна Попова этэринэн, Арассыыйа учуонайдара киһи организмыгар бу ыарыыны утарылаһар күүс  төһө үөскээбитин билээри, чинчийэллэр.  Кылаабынай санитарнай быраас иһитиннэрбитинэн, дириҥэтэн чинчийии Москваттан саҕаламмыт. 

Кини коронавируһунан хаттаан сутуллуу суоҕун бэлиэтээтэ. Ол эрээри, нэһилиэнньэ 5-10%-гар  араас ыарыылартан иммунитет олох даҕаны үөскээбэтин туһунан эттэ. 

Муус устар 24 күнүгэр диэри Анна Попова вице-премьер Татьяна Голикова тэрийбит мунньаҕар, дьиэҕэ хааччахтанан олоруу эрэсиимин өссө икки нэдиэлэ уһатарга этии киллэрбитэ. Кини этэринэн, дойдубут коронавирус икки эрэ инкубационнай кэмин ааспыт. “Онон ыарыы чыпчаала ааста диэн эрэнэр кыахпыт суох. Сэрэххэ, өссө биир инкубационнай кэми ааһыах тустаахпыт. Ол эбэтэр, өссө 14 күнү”, — диир Роспотребнадзор салайааччыта

Егор Карпов

Хаартыска: РБК