Улуус кииниттэн, Үөһээ Бүлүү сэлиэнньэтиттэн, чугас сытар Намҥа сүгэлэр салгыны хайытан, халлааҥҥа куһуура көттүлэр. Бу — хотугу многоборьеҕа кыттар спортсменнар бастакы көрүҥнэрэ.
Сүүрбэһис үбүлүөйдээх «Манчаары оонньууларын» биир бастакы рекорда манна олохтонно. Саҥа тутуллубут спорт былаһаакката чохтоох Нерюнгри кыыһа Анна Кинчак туһатыгар соргулаах буолла. Кини сүгэтин 93 миэтэрэ 73 см ыраахха кыыратта.
Уолаттарга Мэҥэ Хаҥалас спортсмена Егор Терентьев тэҥнээҕин булбата. Кини көрдөрүүтэ — 142 м 35 см. Оттон улахан дьоҥҥо Октябрь Герасимов (Нам улууһа) 177 м 72 см ыраахха элээрдэн, хамаандатыгар кыһыл көмүс мэтээли аҕалла. Дьахталларга эмиэ нерюнгрилар күннээтилэр: Илона Винокурова 75 м 95 см көрдөрүүлээх бастаата.
Василий НИКИФОРОВ, «Саха сирэ» хаһыат, edersaas.ru
Андрей СОРОКИН (СИА) хаартыскаҕа түһэриитэ.
+1
+1
+1
+1
+1
+1
+1