47 саастаах Ленскэй олохтооҕо биржаҕа оонньуурга санаммыт. Ол туһуттан төлөпүөнүгэр бэйэтэ да билбэтинэн түөкүттэр оҥорбут анал сыһыарыыларын хачайдаабыт. Бастаан 100 дуоллары укпут, анал бэрэбиэркэни ааспытын кэнниттэн брокерскай фирма менеджера Андрей диэн киһи эрийбит.
Хомойуох иһин, Андрейы кытары кэпсэтии кэнниттэн, Ленскэй олохтооҕо 1 500 000 солкуобайыттан маппыт. Түөкүн бу кэпсэтии кэнниттэн эмиэ төлөпүөннүү сылдьыбыт. Өссө 150 000 солкуобайы нолуокка диэн көрдөөн…
Эмсэҕэлээччи полиция үлэһиттэригэр бу иннинэ хаһан даҕаны, ханнык да платформаларга регистрацияламматаҕын, ол үлэтин туһунан туга да билбэтин, аахсыйа атыыласпатаҕын туһунан кэпсээбит.
Дьэ ити баар. Мобильнай платформалар, сыһыарыылар үлэлэрин туһунан билбэт эрээри, тоҕо регистрацияламмытай. Онон билбэт сыһыарыыларгытын хачайдаамаҥ, каартаҕыт дааннайдарын кимиэхэ да ыытымаҥ диэн ис дьыала үлэһиттэрэ сүбэлииллэр.
edersaas.ru
+1
+1
+1
+1
+1
+1
+1