Андрей Тарасенко Жатайдааҕы судоверфь тутуутун көрдө

Ааптар: 
Бөлөххө киир:

Бырабыыталыстыба бэрэссэдээтэлэ Андрей Тарасенко СӨ Тырааныспар уонна суол хаһаайыстыбатын министиэристибэтин салалтатын, бэдэрээттээх тэрилтэлэри кытары Жатайга судоверфь тутуллуутун боппуруоһунан мунньахтаатылар.

Билиҥҥи туругунан тутуу бастакы түһүмэҕэ салҕанар. Маныаха эрдэ үлэ былааннаммыт болдьоҕуттан хаалан иһэрин тэтимнээри, «Жатайдааҕы судоверфь» АУо бэдэрээттээх тэрилтэлэри кытта монтажтыыр үлэтэ чочуйуллубута.
«Кыраапыктан хаалыыга объективнай да,  субъективнай да биричиинэлэр бааллар. Ол гынан баран, үлэ бастакы түһүмэҕин түмүктүүр болдьоҕу ким да уларыппатаҕа, 2021 сыл бүтүүтүгэр ситэн-хотон бэлэм буолуохтаах. Билигин тутууга үлэлии сылдьар бары тэрилтэлэр сүрүн кыһалҕаларын бэлиэтээбиттэрэ. Бу сорох учаастактарга биригээдэлэри улаатыннаран биэрии, тутууга туһаныллар тимир конструкциялар сыаналара уонна өрөспүүбүлүкэҕэ аҕалыы боппуруостара. Хамсааһын баар. Бу боппуруостары бары көмөлөөн быһаарабыт», —  диэн өрөспүүбүлүкэ премьерэ бэлиэтээтэ.
Эбийиэк «Развитие судостроения и морской техники для освоения шельфовых месторождений» РФ судаарыстыбаннай бырагырааматын иитинэн тутуллар. Аныгы олох ирдэбилигэр эппиэттиир Жатайдааҕы судоверфь  өрүс флота сайдарыгар улахан тирэҕинэн буолуоҕа. СӨ Ил Дархана Айсен Николаев тутууга кыраапыктан хаалыыны туоратарга сорудахтаабыта.
+1
0
+1
0
+1
0
+1
0
+1
0
+1
0
+1
0