Маны аах Экэниэмикэ

Андрей Тарасенко социальнай суолталаах өҥөлөрү электроннай көрүҥҥэ көһөрүү бырайыагын көрдө

Арассыыйа Бэрэсидьиэнэ Владимир Путин сорудаҕынан бары социальнай суолталаах өҥөлөрү 2021 сыл бүтүүтэ электроннай көрүҥҥэ көһөрүөхтэрэ. Федеральнай Мунньахха Анал этиитигэр бэрэсидьиэн “Арассыыйа дьонугар судаарыстыбаннай уонна муниципальнай өҥөлөр бары кэриэтэ тэйиччиттэн оҥоһуллуохтаахтар, сууккаҕа 24 чаас устата, нэдиэлэҕэ 7 күн, ол эбэтэр куруук” диэн бэлиэтээбитэ.

Арассыыйа Бэрэсидьиэнин сорудахтарын олоххо киллэриини Андрей Тарасенко бэрэссэдээтэллээх сүбэ мунньахха көрдүлэр.

Судаарыстыбаннай былаас өрөспүүбүлүкэтээҕи уорганнара бэйэлэрин хайысхаларынан кэккэ социальнай маассабай өҥөлөрү торумнаатылар. Бу тутууга көҥүлү бэлэмнээһин уонна биэрии, бултааһына, таһаҕаһы уонна пассажирдары тиэйии, уһун өрөбүллэр кэмнэригэр оҕолорго сынньалаҥы тэрийии, оҕолорго өтлөбүрдэр уо.д.а. Балары биир кэлим порталынан туһаныахха сөп.

Уопсайа Судаарыстыбаннай өҥө порталыгар Саха сиригэр 90 өҥөнү киллэриэхтэрэ.

Ону сэргэ эрэгийиэн бырабыыталыстыбатыгар цифровой өҥөлөрү ситиһии хаамыытын бигэргэттилэр. Быһата, бары маассабай социальнай өҥөлөрү үс түһүмэҕинэн киллэриэхтэрэ. 1 уочараты киллэрии болдьоҕо – 2021 сыл атырдьах ыйыгар диэри, 2 уочараты – 2021 сыл балаҕан ыйыгар диэри уонна үһүс уочараты – 2021 сыл ахсынньы ыйыгар диэри.

Саха сирин Инновацияҕа министиэристибэтигэр бэлиэтииллэринэн, маассабай социальнай өҥөлөрү көһөрүү боппуруоһун 8800107788 нүөмэргэ “итии линияттан” ыйытыҥ. Ону тэҥэ smev.sakha.gov.ru cаайтка “МСЗУ” салааҕа.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

Бэлэмнээтэ Женни Стрюкова

 

0
0