dav
СӨ Бырабыыталыстыбатын Бэрэссэдээтэлэ Андрей Тарасенко кэргэнин Светлана Валентиновнаны кытары А.С.Пушкин аатынан нуучча драматическай тыйаатырыгар испэктээккэ сырыттылар.
Тыйаатыр олунньу 12 күнүгэр Эдуардо Скарпетта «Голодранцы и аристократы» комедиятын көрдөрдүлэр.
Бу киэһээ испэктээги СӨ Култуура уонна духуобунай сайдыы миниистирэ Юрий Куприянов кэргэнин Алла Юрьевнаны кытары көрдө.
Бэлиэтээн эттэххэ, тыйаатыр быйыл 130 сылын туолар. Бу үбүлүөйдээх тэрээһини көрсө Андрей Владимирович уонна Юрий Степанович тыйаатыр дириэктэрин уонна уус-уран салайааччытын Александр Лобановы кытары көрсөн тыйаатыр чугастааҕы бырайыактарын, гостуруоллар, премьералар, аччыгый сценаны арыйыы үлэтин туһунан, о.д.а. кэпсэттилэр. Тыйаатыр кэлэктиибэ ыалдьыттары көрөөччүлэр биһириир «Барышня-крестьянка» испэктээктэригэр ыҥырдылар.
+1
+1
+1
+1
+1
+1
+1