СӨ Бырабыыталыстыбатын бэрэссэдээтэлэ Андрей Тарасенко Тутуу миниистирэ Павел Кылатчановы кытта Горнай улууһугар Бэрдьигэстээххэ «Олорор дьиэ уонна куорат эйгэтэ» национальнай бырайагынан тутулла турар эбийиэктэри көрдүлэр.
«2019-2025 сылларга хаарбах дьиэттэн гражданнары көһөрүү» бырагырааматын иитинэн түөлбэҕэ тутууну билистилэр. Быйыл от ыйыгар «Сэргэлээх» түөлбэтигэр С.Данилов аатынан уулусса 61/1 нүөмэригэр 47 кыбартыыралаах дьиэ үлэҕэ киирээри турар. «Сити» ХЭУо иһитиннэрэринэн, дьиэ ис-тас оҥоһуга ситэн-хотон эрэр, таһынааҕы сирин-уотун оҥоруу үлэтэ ыытыллар.
МСО түөлбэтигэр 26, 23 кыбартыыралаах дьиэлэр тутулла тураллар. «СӨ судаарыстыбаннай сакаасчыт сулууспата» ГКУ иһитиннэрэринэн, 2022 сылга үлэни бүтэрэр былааннаахтар.
Хаарбах дьиэттэн дьону көһөрүү уонна хаачыстыбата суох дьиэлэр кыһалҕаларын боппуруостара өрөспүүбүлүкэ салалтатын ураты хонтуруолугар бааллар. Ил Дархан Айсен Николаев Саха сиригэр хаарбах туруктаах дьиэ олус элбэҕин иһитиннэрэн турар. Онуоха 2025 сылга диэри биир мөлүйүнтэн тахса кв.м. иэннээх дьиэттэн дьону көһөрүү былааннанар.
Маны сэргэ, Бэрдьигэстээххэ 550 миэстэлээх оскуоланы тутуу саҕаланна. «Союз-Инвест» ХЭУо иһитиннэрэринэн, үлэ кыраапыгынан салҕанар, 2022 сылга бүтэрэр былаан баар.
+1
+1
+1
+1
+1
+1
+1