Андрей Тарасенко: «Арассыыйа тимир суоллара» Владивостокка диэри пуойаһынан быһа сырыыны өйөөтө»
Аллараа Бэстээхтэн Владивостокка диэри быһа айанныыр пуойаһы сырытыннарыы туһунан муус устар 30 күнүгэр СӨ бырабыыталыстыбатын бэрэссэдээтэлэ Андрей Тарасенко уонна «Арассыыйа тимир суоллара» ААУо генеральнай дириэктэрэ Олег Белозёров кэпсэттилэр.
«Арассыыйа тимир суоллара» хампаанньа салайааччыта өрөспүүбүлүкэни өйөөбүтүн уонна Саха сиригэр пассажирскай вагоннары биэрэр туһунан боппуруос быһаарыллан эрэрин туһунан Андрей Тарасенко иһитиннэрдэ. Пуойас бу сайыҥҥыттан сылдьара күүтүллэр.
Онон Владивостокка диэри айаннааччылар биир вагоҥҥа олордулар да миэстэтигэр айаннаан тиийиэхтэрэ. «Билигин Аллараа Бэстээхтэн Иркутскайга, Благовещенскайга, Хабаровскайга уонна Нерюнгрига диэри пуойастар сылдьаллар. Аны сайыҥҥыттан Владивостокка диэри айанныыр кыахтаныахпыт», – диэн инстаграмҥа тус страницатыгар Андрей Тарасенко суруйда.
СӨ Ил Дарханын уонна бырабыыталыстыбатын пресс-сулууспата
+1
+1
+1
+1
+1
+1
+1