Маны аах Уопсастыба

Андрей Тарасенко: Аллараа Халыманы тырааныспар инфраструктурата сайыннарыаҕа

Бу күннэргэ премьер Аллараа Халыма улууһун олоҕун-дьаһаҕын кытта билсэр. Андрей Тарасенко кинини кытта сылдьар миниистирдэри, тустаах салайааччылары кытта оройуон баһылыга Валерий Сентяковтуун тырааныспар логистикатын боппуруостарын ырыттылар.

Премьер улуус киин сиртэн ыраах сытарынан сибээстээн, тырааныспар боппуруоһа сытыытык турарын бэлиэтээтэ. Кини Зеленай Мыстааҕы өрүс пордун көрдө-иһиттэ. Былырыын өрүс порда 165 тыһыынчаттан тахса туонна курууһу тиэйбит. Онтон 107 тыһ. туонна – таас чох.
Саха сирин Арктическай зоната сайдыытыгар туһулаан Ил Дархан Айсен Николаев сорудаҕынан Арктика портовой инфраструктурата саҥардыллыаҕа. Зеленай Мыстааҕы өрүс порда онуоха сүҥкэн оруоллаах. Бу өрүс пордугар улахан кээмэйдээх таһаҕас харайыллыахтаах. Онон сибээстээн, Саха сирин Чукотканы кытта төгүрүк сыла быһа ситимниир айан суола тутуллара былааннанар. Премьер Андрей Тарасенко бэлиэтээбитинэн, Чукотка бырабыыталыстыбатын кытта РФ Тырааныспарка министиэристибэтин уонна Автодорга суолу тутууну түргэтэтэр туруорсар сорук турарын бэлиэтээтэ. Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрдэ.

Елена ПОТОЦКАЯ, «Саха сирэ» хаһыат, edersaas.ru

0
0