Андрей Тарасенко Жатайдааҕы судоверфь тутуутун көрдө...
Олох-дьаһах

Андрей Тарасенко Жатайдааҕы судоверфь тутуутун көрдө

СӨ бырабыыталыстыбатын бэрэссэдээтэлин эбээһинэһин толорооччу Андрей Тарасенко Жатайдааҕы судоверфь эбийиэктэрин тутууларын сыаналаата. Бу туһунан бэрэссэдээтэл эбээһинэһин  толорооччу твиттерга иһитиннэрдэ.

edersaas.ru

Икки нэдиэлэ буола-буола эбийиэги бэрэбиэркэлиибит – хамсааһын баар. Мин маҥнай, атырдьах ыйын 9 күнүгэр сылдьыбыппынааҕар оробуочай ахсаана икки төгүл эбилиннэ эрээри, үлэ бытааннык барар. Билигин бэдэрээтчиттэр бетоннааһын үлэтигэр уонна металлоконструкциятын таҥыыга тэтимирэллэрэ ирдэнэр”, — диэн Андрей Тарасенко бэлиэтиир.

Санатан эттэххэ, атырдьах ыйын 5 күнүгэр Жатайдааҕы судоверфь боппуруоһунан ыытыллыбыт мунньахха Ил Дархан Айсен Николаев, эрэгийиэн бырабыыталыстыбатын бэрэссэдээтэлин эбээһинэһин толорооччуга тутуу кыраапыктан хаалыытын туоратарга уонна бырайыагы тус хонтуруолга ыларыгар сорудахтаабыта.

Судоверфь тутуута «Развитие судостроения и морской техники для освоения шельфовых месторождений» РФ судаарыстыбаннай бырагырааматын иитинэн үбүлэнэр. Бастакы түһүмэҕин тутуута 2021 сылга үмүрүтүллэр болдьохтоох.

 

СӨ Ил Дарханын уонна СӨ Бырабыыталыстыбатын пресс-сулууспата.

 

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

восемь + один =