Саха сирин Бырабыыталыстыбатын Бэрэссэдээтэлин э.т. Андрей Тарасенко СӨ судаарыстыбаннай сүбэһитэ, өрөспүүбүлүкэ бастакы бэрэсидьиэнэ Михаил Николаевы кытта көрүстэ.
edersaas.ru
Миниистирдэр кэбиниэттэрин баһылыга билиҥҥи үлэтин туһунан кэпсээтэ. Маныаха үлэтигэр оннун-тойун булан, бастакы уочараттаах соруктары тустаах биэдэмистибэлэри кытта дьүүллэспитин аҕынна.
Михаил Николаев премьер-миниистир э.т. үлэтин дьиҥнээх эбийиэктэргэ уонна социальнай эбийиэктэргэ сылдьыыттан саҕалаабытын биһирээтэ.
Көрсүһүү кэмигэр Андрей Тарасенко уонна Михаил Николаев доруобуйа харыстабылын, үөрэхтээһин, бырамыысыланнас, тыа сирин олохтоохторун өйөөһүн уонна Арктиканы сайыннарыы тутаах боппуруостарын дьүүллэстилэр.
Михаил Николаев өрөспүүбүлүкэбит тыйыс айылҕата эрэгийиэн экэниэмикэтигэр сабыдыалын кэпсээтэ уонна тырааныспар тиһигэр болҕомтону туһаайарыгар сүбэлээтэ.
”Саха сиригэр дьон төрөөбүт дойдуларын дьиҥнээхтик таптыыллар. Кинилэри өйүөххэ, олороллоругар сөптөөх усулуобуйаны тэрийиэххэ, уматык сыанатын түһэриини ситиһиэххэ, бэйэ бырамыысыланаһын тэрилтэлэрин тутуохха, оччоҕо өрөспүүбүлүкэ сайдыаҕа уонна дьон бэйэ бородууксуйатын оҥорууга дьулуһуохтара”, — диэтэ Андрей Тарасенко.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Андрей Сорокин хаартыската (СИА)
Бэлэмнээтэ Женни СТРЮКОВА.