Андрей Тарасенко Ил Түмэн спикерэ Петр Гоголевы кытары көрүстэ
Бырабыыталыстыба бэрэссэдээтэлин э.т. Андрей Тарасенко уонна Ил Түмэн бэрэссэдээтэлэ Петр Гоголев бырабыыталыстыба Парламены кытары үлэлиир сүрүн хайысхаларын туһунан кэпсэттилэр.
edersaas.ru
Национальнай бырайыактар итиэннэ Ил Дархан Ыйааҕын чэрчитинэн үлэлэри таһынан, биир сүрүн хайысханан пандемия кэнниттэн экономиканы чөлүгэр түһэрии буолары ыйылынна.
– Билигин былаас толоруулаах уонна сокуону оҥорор салаалара хаһааҥҥытааҕар даҕаны ыкса итиэннэ чуолкайдык үлэлииллэрэ наада. Биһиги пандемия экэниэмикэҕэ охсуутун көннөрөн, тэрилтэлэри, дьону өйүөхтээхпит. Чуолаан, үлэтэ суох буолууну аҕыйыырын, хамнас үрдүүрүн итиэннэ олох таһыма тупсарын ситиһиэхтээхпит, розницанан табаар эргиирэ улаатарын тэрийиэхтээхпит, – диэтэ Андрей Тарасенко.
Петр Гоголев салгыы бииргэ үлэлээһин көдьүүстээх уонна суһал быһаарыылары хааччыйарыгар эрэнэрин биллэрдэ. Андрей Тарасенко Арассыыйа Бэрэсидьиэнэ Владимир Путин, Саха Өрөспүүбүлүэктин Ил Дархана Айсен Никоаев туруорар уопсай соруктарын быһаарарга дьокутааттары кытары бииргэ үлэлээһин үтүө түмүктээх буоларыгар эрэнэрин эттэ диэн Ил Дархан уонна бырабыыталыста пресс-сулууспата иһитиннэрэр.
Раиса Сибирякова, «Саха сирэ» edersaas.ru