Доруобуйа Суолталаах

Андрей Николаев: «Өссө да сайда туруохпут»

Сүрэх-тымыр киинэ аһыллар долгутуулаах күнүгэр Арассыыйа доруобуйатын харыстабылын миниистирэ Михаил Мурашко Мэдиссиинэ национальнай киинин үлэһиттэригэр РФ наҕараадаларын туттарда.

edersaas.ru

Үрдүк наҕараадалары ылбыт үрүҥ халааттаах аанньаллар

«РФ доруобуйатын харыстыбылын туйгуна» үрдүк ааты ылбыт Андрей Гаврильевич Николаев үөрүүтүн маннык үллэһиннэ:
«Мин 20-тэн тахса сыл анестезиолог-реаниматолог быраас идэбинэн үлэлээн кэллим. Соторутааҕыта эрэ олус мааны, сиэдэрэй Сүрэх-тымыр киинигэр көстүбүт. Манна өрөспүүбүлүкэбит туһугар үлэлиэхпит.
РФ доруобуйаҕа харыстабылын миниистирэ Михаил Альбертович Мурашкоттан наҕараадабын тутуум, биллэн турар, долгутуулаах. Арассыыйа Федерациятын наҕараадата -– үтүө суобастаах үлэм түмүгэ буолуо. Салҕыы үлэлиэхпит, нэһилиэнньэҕэ хаачыстыбалаах уонна табыгастаах мэдиссиинискэй өҥөнү оҥорор туһугар өссө да сайдыахпытын наада.
Түгэнинэн туһанан, өрөспүүбүлүкэ олохтоохторун, биир дойдулаахтарбын сарсыҥҥы Саас уонна Үлэ  бырааһынньыгынан ис сүрэхпиттэн эҕэрдэлиибин. Барыгытыгар чэгиэн доруобуйаны, үлэҕитигэр уонна тус олоххутугар ситиһиини, баҕа санааҕыт туоларыгар баҕарабын!»

Надежда ЕГОРОВА, «Саха сирэ» хаһыат, edersaas.ru

Мария ВАСИЛЬЕВА (СИА) түһэриитэ

0
0
Telegram @edersaas20