Андрей Находкин: «Түмсүүлээх буоларбыт эрэйиллэр»

Бөлөххө киир:

«Адьас соторутааҕыта  Аҕа дойду Улуу сэриитигэр кыайыы күнүн өрө көтөҕүллэн туран бэлиэтээбиппит. Бу Кыайыы  биһиэхэ икки төгүл суолталааҕын өссө төгүл бигэргэттэ».

edersaas.ru

Итинник тылларынан СӨ Судаарыстыбаннай Мунньаҕын (Ил Түмэн) тыа сиригэр уонна аграрнай бэлитиикэҕэ бастайааннай кэмитиэтин бэрэссэдээтэлэ Андрей Находкин Украинаҕа анал эпэрээссийэлэ туһунан санаатын үллэһиннэ:

— Бу  анал эпэрээссийэ кэмигэр биһиги биир дойдулаахтарбыт, ыччаттарбыт эмиэ  бэйэлэрэ баҕа өттүлэринэн Ийэ  дойдуларын көмүскүү бардылар. Итини биһиги дьоммутун-сэргэбитин,   бэйэбит быыбардааччыларбытын кытары көрсөн быһааран биэрэбит. Тус бэйэм  эмиэ хас да көрсүһүүнү оҥордум уонна ыччаттарбыт, оҕолорбут кыайан-хотон этэҥҥэ  эргиллиэхтэригэр бүк эрэллээхпит.

Интэриниэтинэн, тэлэбиисэринэн сонуннары бары тэҥҥэ көрө олоробут. Манна кэнники кэмнэргэ националистар, байыастар бэринэн эрэллэрэ илэ-чахчы көһүннэ. Кинилэр салалталара бэйэлэрин  биир-бииргэ бырахпыттарын,  кыһаллыбатахтарын түмүгэр итинник  элбэх маассабай бэринии буолан эрэр диэн бэлиэтиибит.

Биһиги дойдубут бэрэсидьиэнэ  Владимир Путин биллэрбит анал эпэрээссийэтэ сотору үтүө түмүктэрдээх,  кыайыынан бүтэригэр бүк эрэллээхпит. Онон,  хас биирдиибит бу баар балаһыанньаны олус дириҥник уонна киэҥник көрүөҕүҥ.  Аҥаардас Украина сиригэр-уотугар бойобуой дьайыылар бара туралларын курдук өйдөөбөккө, бу билигин  икки өйдөбүл, икки тутул киирсиилэрэ уонна, саамай сүрүнэ, неонацизм, милитаризм иккистээн күөдьүйбэтин, олоччу эргиллибэттии тохтотулларын курдук ис хоһооннооҕун  өссө төгүл өйдүөхпүтүн наада. Нацизм биһиги сирбитигэр уонна атын судаарыстыбаларга күөдьүйэээри гыммытын хайаан да тохтотуохпутун наада.

Онон,  биһиги киэн туттар  ыччаттарбыт бэйэлэрэ бу балаһыанньа ис хоһоонун өйдөөннөр анал эпэрээссийэҕэ быһаччы Арассыыйа аармыйатын аатыттан кытта сылдьаллар. Анал эпэрээссийэҕэ кыттар төрөппүттэргэ эмиэ бэйэм  баҕа санаабын тириэрдэбин: бу улахан уонна дириҥ ис хоһоонноох байыаннай эпэрээссийэттэн  кыайан-хотуон кэлиэхтэрэ. Онтон биһигиттэн түмсүү уонна күүстээх үлэ наадатын чахчы өйдүүбүт.

“Саха сирэ”, edersaas.ru

+1
0
+1
0
+1
0
+1
0
+1
0
+1
0
+1
0