Арассыыйа уонна Украина сыһыаннаһыыларыгар биир дойдулаахтарбыт тус санааларын үллэстэллэр, бары бииргэ буоларга ыҥыраллар.
Андрей Находкин, Ил Түмэн тыа сиригэр уонна аграрнай бэлиитикэҕэ сис кэмитиэтин бэрэссэдээтэлэ:
— Аан дойдуга буола урар быһыы-майгы бэҕэһээ дуу, бүгүн дуу саҕаламматаҕын бары билэбит. Нууччалыы тыллаах олохтоохтору утары геноциды, национализмы күөртээһин, дьону-сэргэни маассабайдык өлөрүү, неонацизм идеологиятын өрө тутуу ааспыт сыллар усталарыгар Украина иһигэр күүскэ бара турар. Ону билигин суох гымматахха, өссө дириҥээн барар чинчилэннэ.
Дойдубут Бэрэсидьиэнэ Владимир Путин тустаах байыаннай эпэрээссийэни тоҕо саҕалаабытын барыбытыгар, чуолаан аан дойдуга толору быһааран биэрдэ. Аҕыс сыл устата дипломатия диэни өйдөөбөтүлэр, ылымматылар диир ордуга буолуо. НАТО соруйан, Украина сиригэр-уотугар сэбилиниилээх күүстэрин, биһиги кыраныыссабытыгар чугаһатар буоллаҕына, Улуу дойдубут күүһүн-күдэҕин көрдөрбүтэ саамай сөп. Онон бу балаһыанньаҕа бары түмсэн, биир сомоҕо буоларбыт хайаан да ирдэниллэр. Санкциялар киирэ туралларынан бэйэбит испитигэр, сааһыланыы барыан наада дии саныыбын! Арҕаа дойдулар араас кэмилдьилээх “култуураларын” киллэриини, үтүктүүнү адьас тохтотуохха наада. Биһиги норуот быһыытынан ураты култууралаахпыт, тыллаахпыт-өстөөхпүт, ону өрө тутар кэм кэллэ.