Уопсастыба

Андрей Белоусов сыананы күн аайы кэтээн көрөргө сорудахтаата

Оробуочай бөлөх мунньаҕа туох боппуруостары көрдө? Сыананы сүрүннүүргэ туох дьаһалы ылыннылар?

Арассыыйа Бырабыыталыстыбатын Бэрэссэдээтэлин бастакы солбуйааччы Андрей Белоусов социальнай суолталаах табаардарга атыыланар сыана уларыйыытыгар суһаллык дьаһанар уонна кэтээн көрөр бидэмистибэлэр икки ардыларынааҕы оробуочай бөлөх бастакы мунньаҕын ыытта.

Мунньахха аһы-үөлү оҥорон таһаарааччылар уонна атыылыыр тиһиктэр икки ардыларыгар сөбүлэһиилэри илии баттаһыы бопуруостарын көрдүлэр. Бу эргиэн тиһиктэригэр тиэрдиигэ сыананы аччатыыга уонна атыылыырга сыананы “тутарга” сыһыаннаах. Бырабыыталыстыба сыананы аччатыыга уонна туруктаах оҥорууга туһуламмыт суһал докумуоннарын кытта сибээстээх боппуруостары эмиэ көрдүлэр.  Социальнай суолталаах табаардар сыаналарын күн аайы кэтээн көрүүнү олохтуурга этилиннэ.

Бу мунньахха Экэниэмикэ, Үп, Эргиэн, Тыа хаһаайыстыбатын министиэристибэлэрин, ФАС, ФНС, Росстат, Россельхознадзор бэрэстэбиитэллэрэ кытыннылар.

РФ Бырабыыталыстыбатын саайтыттан

Бэлэмнээтэ Женни Стрюкова

Хаартыска: интэриниэттэн

 

0
0
Telegram Whatsapp

Добавить комментарий