Турция Стамбул куоратыгар түмүктэммит Олимпийскай оонньуулар, аан дойду чөмпүйүөннэрэ Яшар Догу кэриэһигэр көҥүл тустууга норуоттар икки ардыларынааҕы турнирга быйыл уон аҕыс дойду ааттаахтара кэлэн күрэс былдьастылар. Бу түһүлгэҕэ Белоруссия хамаандатыттан саха тустууга оскуолатын үс иитиллээччитэ кытынна.
Белоруссия хас да төгүллээх призера Андрей Бекренев 61 кг диэри ыйааһыҥҥа боруонса мэтээли ылары ситистэ. Орто Халыма бөҕөһө бастаан Турция бөҕөһүн Седат Оздемиры (12:2), онтон Казахстан тустуугун Бауржан Торобегы (10:0), олохтоохтор эрэллэрин, Европа быйылгы призерун Реджеп Топалы (10:3) илиилээх-атахтаах оҥорбото. Салгыы Иран эдэр бөҕөһүгэр Мохаммадубагер Якхкешига 2:3 ахсаанынан баһыйтарда. Үһүс миэстэ иһин киирсиигэ Азербайджанта сылдьар Руслан Гасымовы кыайда (4:1).
Бу ыйааһыҥҥа тустубут Европа түөрт төгүллээх призера Владислав Андреев бастакы хапсыһыытыгар Азия чөмпүйүөнүгэр, Риотааҕы Олимпийскай оонньуулар кыттыылаахтарыгар Сандип Томарга (Индия) 4:7 ахсаанынан хотторон кэбистэ. Салгыы хапсыһыыга кыттан Ньурба бөҕөһө Азербайджан уолун Парвиз Ибрагимовы хотон баран (3:2), боруонса мэтээл иһин киирсиигэ эмиэ Азербайджантан сылдьар, 23-гэр саастаахтар ортолоругар Европа чөмпүйүөнэ Мирджалал Гасанзадеҕа 1:2 ахсаанынан баһыйтарда.
Белоруссия быйылгы чөмпүйүөнэ, норуоттар икки ардыларынааҕы кылаастаах спорт маастара Ньургун Скрябин (Мэҥэ Хаҥалас) 65 кг диэри ыйааһыҥҥа күүһүн холонон, бастакы көрсүһүүтүгэр иранец Валат Мохаммед Юсифы кыайда (13:2),итиэннэ салгыы Хассан Морадголаига 2:6 ахсаанынан сабырыйтарда.
Алтынньы ыйга Будапешка буолар аан дойду чөмпүйэнээтигэр бэлэмнэнии иитинэн, Белоруссия хамаандата аны Олимпийскай оонньуулар үс төгүллээх чөмпүйүөннэрэ Александр Медведь бирииһигэр норуоттар икки ардыларнааҕы турнирга кыттыаҕа.
Роман Попов
Хаарстыскалар Интэриниэттэн ылылыннылар.
«Яшар Догу» турнир кыайыылаахтара. Стамбул, от ыйын 29 күнэ
57 кг
1. Томас Гилман (США) 2.Димчик Ринчинов (Белоруссия)
3. Вики Вики (Индия)
3. Сулейман Атли (Турция)
61 кг
1.Мхаммад Якхкеши (Иран) 2. Сандип Томар (Индия)
3. Андрей Бекренев (Белоруссия)
3. Мерджалал Гасанзаде (Азербайджан)
65 кг
1. Масуд Назири (Иран) 2.Али Рагимзаде (Азербайджан)
3. Мадияр Бекжанов (Казахстан)
3. Даулет Ниязбеков (Казахстан)
70 кг
1.Баржанг Пуния (Индия) 2.Андрей Квятковский (Украина)
3. Агагусейн Мустафаев (Азербайджан)
3. Мустафа Кайа (Турция)
74 кг
1. Франк Чамизо (Италия) 2. Джордан Барроуз (США)
3. Нурлан Бекжанов (Казахстан)
3. Болат Сакаев (Казахстан)
79 кг
1.Кайл Дейк (США) 2.Ибрагим Юсубов (Азербайджан)
3. Джабраил Гасанов (Азербайджан)
3. Рустам Дудаев (Украина)
86 кг
1. Дэвид Тейлор (США) 2. Мурад Сулейманов (Азербайджан)
- Борис Макоев (Словакия)
3. Фатих Эрдин (Турция)
92 кг
1. Мохаммад Эбрахими (Иран) 2.Алиреза Карими (Иран)
3. Иван Янковский (Белоруссия)
3. Гаджи Раджабов (Белоруссия)
97 кг
1 Асланбек Алборов (Азербайджан) 2.Мождаба Голейдж (Иран)
3. Кайл Снайдер (США)
3. Фатих Яшарли (Турция)
125 кг
1.Александр Хоцяновский (Украина) 2. Ядоллах Мохеби (Иран)
3. Ник Гваздовский (США)
3. Данила Картавый (Украина)