Анатолий Семенов: «Саха сирэ Уһук Илиҥҥэ иһитиннэрэр-биллэрэр технология лиидэрэ буоларын бигэргэттэ»
Ил Дархан судаарыстыбаннай былаас ситэриилээх уорганын ааспыт сыллааҕы үлэтин Ил Түмэн уочарата суох пленарнай мунньаҕар отчуоттууругар, өрөспүүбүлүкэ Уһук Илиҥҥэ иһитиннэрэр-биллэрэр технология лиидэрэ буоларын бигэргэппитин, экспорт кээмэйин 1,5 төгүл үрдэппитин бэлиэтээтэ.
edersaas.ru
Инновация, цифровой сайдыы уонна инфокоммуникационнай технологиялар сайдыыларын миниистирэ Анатолий Семенов маннык этэр:
– Ааспыт 2019 сыл түмүгүнэн, иһитиннэрэр-биллэрэр технология өҥөтүн экспорта 2 млрд солк. буолла, ити Уһук Илин хампаанньаларын иһитиннэрэр-биллэрэр технологияҕа өҥөлөрүн 82 %-гар тэҥнэһэр. Онон, 2018 сылга тэҥнээтэххэ, экспорт кээмэйин 78 % үрдэтэннэр, Арассыыйа субъектарын кэккэтигэр Саха өрөспүүбүлүкэтин рейтинэ 20-с миэстэттэн 12-кэ таҕыста. Дьиэҕэ хааччахтанан олоруу эрэсиимэ иһитиннэрэр-биллэрэр технология күннээҕи олоххо-дьаһахха уонна экэниэмикэ бары салааларыгар сүрүн хамсатар күүс буоларын көрдөрдө. Айсен Сергеевич пандемия кэнниттэн үлэҕэ-хамнаска өрөспүүбүлүкэ экономикатын тирэҕинэн инновационнай уонна креативнай бизнес буолуоҕун бэлиэтээбитин сэргии иһиттим.
Раиса Сибирякова, «Саха сирэ» хаһыат, edersaas.ru