Анатолий Семенов: РФ бэрэсидьиэнин Анал этиититтэн олохтоох оҥорон таһаарыыны өйүүр туһунан этиилэри кэтэһэбин
“Якутия” технопарка дириэктэрэ Анатолий Семенов СИА-ҕа комментарийыгар Россия бэрэсидьиэнэ Владимир Путин Федеральнай Мунньахха Анал этиитигэр тастан киирэр табаары солбуйуу бырагырамаатын салгыы өйүүр уонна олохтоох оҥорон таһаарыыны сайыннарыыга этиилэрин кэтэһэрин туһунан бэлиэтээтэ.
“Анал этиигэ дьоҕус уонна орто биисинэһи, тастан киирэр табаары солбуйуу бырагырааматын уонна олохтоох оҥорон таһаарыыны сайыннарыыга этиилэрин истиэхпин баҕарабын”, — диэтэ Анатолий Семенов.
Кини дьоҕус авиацияны сайыннарыыны быһаарыыны уонна Уһук Илин ФУо салгынынан дьону таһыыга тарыыптары сүрүннээһини, ордук сайыҥҥы кэмҥэ, ону тэҥэ Уһук Илиҥҥэ ОДьКХ өҥөлөрүгэр, сылааһынан хааччыйыыга уонна уот тарыыптарын тэҥниири өйүүр этиилэри кэтэһэрин эттэ. “Саха сирин курдук бөдөҥ регионнарга тырааныспар сырыытын сайыннарыыны эрэнэбит”
Санатан эттэхэ, РФ бэрэсидьиэнэ Владимир Путин Федеральнай Мунньахха Анал этиитин иһитиннэриэҕэ. Бэйэтин туһаайыытыгар судаарыстыба баһылыга үгэс курдук дойду балаһыанньатыгар бэйэтин сыанабылын биэриэҕэ уонна дойдубут инники сайдар хайысхаларын тустарынан кэпсиэҕэ.
edersaas.ru