Бэлиитикэ

Анатолий Николаев Ил Түмэн быыбарыгар кыайда

Дьокуускай куорат Университет быыбардыыр уокуругуттан Ил Түмэн депутатынан “Биир ньыгыл Арассыыйа” баартыйаттан Анатолий Николаев талылынна.

Киниэхэ быыбардааччылар 43,22 % куоластаатылар. Игорь Бугаенко (“КПРФ”) туһатыгар – 25,53 % биэрдилэр. Дьулустаан Хаххан (“Сиэрдээх Арассыыйа”) – 16,07%, Семен Макаров (“ЛДПР”) –  5,36%, Сергей Юрченко (“Гражданская платформа”) – 5,23 % ыллылар.

ЫСПЫРААПКА:

Анатолий Николаевич Николаев – М.К.Аммосов аатынан Хотугу-илиҥҥи федеральнай университет ректора, биологическай наука доктора, доцент. 1968 сыллаахха Үөһээ Бүлүүгэ төрөөбүтэ. Нам орто оскуолатын,  СГУ үөрэнэн бүтэрбитэ. Кэлин Москватааҕы салайыы оскуолатыгар, Г.В.Плеханов аатынан Россиятааҕы экономическай университекка үөрэммитэ. Үлэтин СГУ Биология-география факультетыттан саҕалаабыта. Наука академиятын сибиирдээҕи отделениетыгар үлэлээбитэ. 2011 с. СГУ БГФ деканынан анаммыта. 2013 с. – естесственнай наукалар институттарын дириэктэрэ, 2017 с. – естесственнэй-математическай уонна техническэй үөрэхтээһиннэргэ проректор буолбута. 2019 с. ХИФУ ректорынан анаммыта.

Аграфена КУЗЬМИНА.

0
0