CӨ норуодунай артыыһа, РФ култууратын үтүөлээх үлэһитэ, П.Ойуунускай аатынан Саха тыйаатырын дириэктэрин солбуйааччы, сүбэһит Анатолий Павлович Николаев Анал этии кэнниттэн санаатын олус үөрэн-көтөн туран үллэһиннэ:
— СӨ Ил Дархана Айсен Николаев быйылгы Анал этиитэ, мин санаабар, олус истиҥ, киһи дууһатын таарыйар буолла. Урут ханна даҕаны кураанах сыыппараларынан муҥурданыы баар курдук буоллаҕына, быйылгы Анал этии дууһам кылын улаханнык таарыйда.
Тус бэйэм ыалдьар боппуруостарбар тыа сирин, социальнай эйгэ, кыаммат араҥалар кыһалҕалара арыый да киһилии буоларыгар элбэх үчүгэй былааннар этиллибиттэрэ миигин үөртэ. Чуолаан, хамнас, субсидия боппуруостара быһаарыллыахтарынан сылыктаатахха, эһиилги сылга олохпут тупса быһыытыйыыһы диэн, Ил Дархан этиитин истэ олорон эгди буоллум, санаам көтөҕүлүннэ.
Саамай үөрбүтүм диэн, эһиилги сылы Ийэ сылынан биллэрбитэ олус махталлаах. Ийэ диэн биһиги саамай күндүттэн күндү киһибит, кини баар буолан, орто дойду олоҕун билэн, дьон тэҥинэн сырыттахпыт. Ийэ баар буоллаҕына, дууһабыт чэпчиир, сүрэхпитигэр таптал уйаланар, ыраас санаабыт баһыйар. Онон, кэлэр сылбыт хайа да сыллааҕар ийэлии истиҥ-иһирэх уонна сырдыгынан сыдьаайыыһы диэн саха дьоно сэргии, үөрэ иһиттибит.
Онтон тапталлаах куораппыт, Туймаада туонатыгар турар Дьокуускай куораппыт, Айсен Николаев эппитинии, аан дойду куораттарыгар тэҥнэһиэн баҕарабыт.
Онон, Ил Дархаммыт Айсен Николаев олус туһалаах этиилэри оҥорбутугар махтанабын,— диэн Анал этиини истээт да, тус санаатын үллэһиннэ.
Надежда ЕГОРОВА, «Саха сирэ», edersaas.ru