Бу өрөбүлгэ ыытыллыбыт быыбар түмүгүнэн, сунтаардар Анатолий Васильевич Григорьевы иккис болдьоххо улуус баһылыгынан таллылар.
edersaas.ru
— Быыбардааччылар 57% балаҕан ыйын 13 күнүгэр ыытыллыбыт куоластааһыҥҥа кытыннылар. Бу куһаҕана суох көрдөрүү. Билиҥҥи балаһыанньаны учуоттаатахха.Түгэнинэн туһанан, буолан ааспыт быыбарга улуус олохтоохторо көхтөөх кыттыыны ылбыттарыгар, биэс сыллаах үлэбин-хамнаспын сыаналаан, миэхэ эрэнэн, өйөөбүттэригэр барҕа махталбын тиэрдэбин!
Үлэни өрө туппут Сунтаарым дьоно-сэргэтэ, ханнык да ыарахаттартан толлон турбат кытаанах санааҕыт, уопсай дьыала үтүө түмүктээх буоларын туһугар көхтөөх позицияҕыт, эппиэтинэскит мин үлэбэр күүс-көмө буоларын үрдүктүк сыаналыыбын. Инникитин да бу курдук сомоҕолоһон, биир сыаллаах-соруктаах, дууһабытын, кыахпытын барытын ууран туран, төрөөбүт дойдубут сайдыы суолун эрэллээхтик тутуһарын туһугар үлэлиэхпит-хамсыахпыт! – диэн edersaas.ru саайтка саҥа талыллыбыт баһылык санаатын үллэһиннэ.
edersaas.ru