«Кэскил» бааһынай хаһаайыстыба уонна «Давидофф» ХЭТ быйыл кыттыһан оттууллар. «Давидофф» ХЭТ салайааччыта Анатолий Баишев этэринэн, быйыл 1300 тонна от былааннаахтар.
edersaas.ru
Билигин биригээдэҕэ уон биир киһи үлэлиир. От охсооччулар биригэдьиирдэрин Василий Тарабукин салайар.
Анатолий Баишев этэринэн, үс сиринэн оттуохтаахтар.
«Чакыр өттүттэн 500 тоннаны ылар былааннаахпыт. Быйыл окко эрдэ киирдибит. Халлааммыт туран биэрдэр, эрдэ бүтүө этибит«, — диэн этэр Анатолий Баишев.
Билигин «Кэскил» бааһынай хаһаайыстыбаҕа 700 төбө сүөһүлээх. Ону сэргэ Анатолий Баишев сылгы базалаах.
«Хотоннорбут олус эргэрдилэр. Сүүрбэччэ сыллааҕыта тутуллубут эбийиэктэр. Ону саҥардыахпытын баҕарабыт», — диэн этэр кини Ил Дархан э.т. Айсен Николаевка.
Аграфена КУЗЬМИНА, «Саха сирэ» хаһыат, edersaas.ru